واحة الرايـة

من يسوي سواتك؟

بقلم / عبدالله مبارك الحسيني


من يسوي سواتك ونا خلك ساكن ن بأهدابك


دللتك وحطيتك أغلي حب والله بكل حياتك


كتبت فيك أشعار. وصرت ألحين واحد من طلابك


تبدل الزمن قبل أنا حبيبك وألحين واحد من ربعاتك


كحلتك بعيوني والله وكل ما شفت زولك قلت هلا بك


عطيت دفتر أسراري كنت كاتب ن فيه كل صفاتك


وكل هذا ما كفاك وصرت من ألحين تحسب احسابك


ياكثرها حبيبي صفاتك وياكثر كثرها حبيبي غلطاتك


كافي خلاص ما أقدر أتحمل. سكر ياحبيبي عني بابك


وغيب عني وفوق هذا طوال وابتعد بكل شي بمسافاتك


وأدري مسير الزمن بيجيبك لي وبتكثر فيني بترحابك


بس صدقني دام القلب شايل مستحيل يرجع ابد بسماتك


أتعبت النفس خلاص وكله يا حبيبي والله من أسبابك


احساسي ذبحته وحبي دفنته وش أكثر بعد قولي. يا شقاتك


ابتعد عني خلاص ما أبي أشوفك أو أسمع أي شي بعتابك


ولا تنطلق كلمة تراني أحبك وللحين أنا بس فتاتك ؟


درب مشيته كمله للأخير من غير لأن قلبي خلاص سابك


شوف غيري يهديلك عمره ويعطيك قربه ويقولك ياحلاتك

العلامات
زر الذهاب إلى الأعلى
إغلاق
إغلاق
X