فرحة سودانية بالتأهل إلى كأس الأمم الأفريقية

رويترز :
تأهل السودان لكأس الأمم الأفريقية لكرة القدم (المغرب 2025) بعدما تعادل سلبيا مع أنجولا في مباراتهما الأخيرة بالتصفيات القارية على ملعب شهداء بنينا في ليبيا يوم الاثنين (18 نوفمبر ).
ورفع السودان رصيده إلى ثماني نقاط ليحتل المركز الثاني في المجموعة السادسة التي تصدرتها أنجولا ولها 14 نقطة.
وفي نفس التوقيت، فازت النيجر 2-1 في غانا لتصل للنقطة السابعة في المركز الثالث متفوقة بأربع نقاط على بطلة أفريقيا أربع مرات التي تذيلت المجموعة.
وعلى الرغم من عدم تمكن فريق المدرب كواسي أبياه من هز شباك أنجولا إلا أن التعادل كان كافيا ليعود السودان، بطل أفريقيا عام 1970، لكأس الأمم للمرة الأولى منذ بطولة 2021 ويتأهل للمرة العاشرة في تاريخه.
وكانت أنجولا صاحبة التهديد الأول في اللقاء بعدما أطلق راندي نتيكا تسديدة من مدى بعيد تصدى لها الحارس محمد مصطفى، قبل أن يستعيد السودان توازنه ويسيطر على الكرة في الشوط الأول.
وكان السودان، المدعوم بالجماهير السودانية في مدرجات شهداء بنينا في بنغازي، الأقرب للتسجيل بعد نهاية الاستراحة بعدما سدد في إطار المرمى مرتين.
وأسعد تأهل السودان لكأس الأمم الأفريقية السودانيين في الداخل والخارج رغم ظروفهم الصعبة في زمن الحرب ببلادهم.
قالت السودانية هويدا، في بنغازي بليبيا، “اليوم أنا مبسوطة وفرحانة شديد بأننا تأهلنا لكاس أفريقيا رغم الظروف اللي بيمر بيها السودان يعني، فنحنا مبسوطين شديد، شديد، شديد. شكرا لكم”.
وقال السوداني زين آدم “نقول ألف ألف مبروك لمنتخبنا السوداني ويعني بالرغم من أنه قساوة الحرب والحاجات دي الحمد لله تأهلنا إلى الدور القادم، ونقول القادم شنو أجمل، والتحية لكل الطاقم بتاع السودان. ومن هنا بنحييهم ونقول ألف ألف مبروك”.
وقال اللاعب بالمنتخب السوداني أبو عاقلة عبد الله “سعيدين جدا بالتأهل، وسعادتنا الأكبر وسعادتنا الأولى في أنه قدرنا نرسم فرحة في وجوه السودانيين وأسرنا اللي قاعدة حاليا في السودان في الظروف الصعبة دي. فنحنا بنفتخر كون أنا نشوفهم مبسوطين وكون أنه يعني رغم المعاناة دي هم قاعدين يضحكوا وقاعدين يفرحوا وقاعدين يبتسموا فدي حاجة كبيرة بالنسبة لنا”.
وقال السوداني محمد داود وهو صاحب محل لبيع الأدوات الرياضية “كل ما يكون فيه مباراة بتاع الفريق القومي المبيعات بتزيد… باقي الأبيض ده بس… فما شاء الله يعني نسأل الله يعني التقدم دائما للمنتخب القومي ويرفع معنويات الناس، الناس محبطة جدا جدا. عشان كده هم رفعوا معنوياتنا كتير خالص والله، نسونا الحرب ذاتها”.
وقال محمد آدم “نتمنى للمنتخب التوفيق والتقدم، بسطونا شديد ورفعوا راسنا وعلم السودان بيرفرف في كل الدول، وكل الدول عرفت أن السودان كورته تطورت ومشت لقدام”.
وقال رئيس مشجعي المنتخبات الوطنية السودانية، كارلوس، “التانية موصولة لكل جماهير شعبنا ولكل قبيلة الرياضيين بهذا الفوز وهذا التأهل. فعلا إحنا كنا كرياضيين محتاجين ليه أو كشعب سوداني في هذه الإحباطات إنه نصل لهذه المراحل. ففرحة كبيرة جدا والشعب محتاج لهذه الفرحة. ونتمنى إن شاء الله إنه تتوج بالفرحة والخطوة التانية بالتأهل لكأس العالم إن شاء الله بنفس المنتخب”.